காலக் கடவுளின் வாழ்க்கைக் கோவில்
http://tamilnanbargal.com/node/28505
--
வினோத் கன்னியாகுமரி
http://tamilnanbargal.com/friends/vinoth
புதன், 13 அக்டோபர், 2010
இன்று பண்டிகையாம்!
இன்று பண்டிகையாம்!
http://tamilnanbargal.com/node/28321
இன்று பண்டிகையாம்!
==================
வேலைக் களைப்பில் கலந்து போய்
தனி மின்னஞ்சல் பார்க்க
குவிந்திருந்தது வாழ்த்துகள்!
இன்று பண்டிகையாம்!
தொலைதூர அம்மாவிற்குத்
தொலைபேசி அழைத்தேன்
தொலைந்த காலங்கள்
கண்முன் ஓடியது
"சண்டை போடக்கூடாது"
ஒரே நிறத்தில் எல்லோருக்கும் சட்டை
பட்டாசு வெறுத்துப்போனது
காசை கரியாக்க விரும்பாத அப்பா
பாதியில் மின்சாரம் நின்றுபோன
தொலைக்காட்சித் திரைப்படம்
எண்ணையில் பொரியுமுன்னே
எடுத்த மாவை தின்னத் தோன்றவில்லை
"எச்சில் படுத்தாதே சாமிக்கு வைக்கணும்"
"இன்னும் இரண்டு வை அம்மா"
"இக்பால் வீட்ல நாலு பேர் அம்மா"
இரவே வீ்ட்டுக்கெல்லாம் விநியோகம்
உங்க வீட்ல என்ன வச்சாங்க?
பேசிப்பேசி பள்ளியில் பண்ட விநியோகம்
தொடர்பு கிடைத்தது.
"ஒண்ணும் வைக்கலைபா,
ஒடம்புக்கு முடியல"
அம்மாவின் தோய்ந்த குரலில்
நானும் தொலைந்து போனேன்!
"வாழ்த்துகளும், நன்றிகளும்"
எல்லோருக்கும் பதில் அனுப்பினேன்
இன்று பண்டிகையாம்!
--
வினோத் கன்னியாகுமரி
http://tamilnanbargal.com/friends/vinoth
ஞாயிறு, 7 பிப்ரவரி, 2010
புதன், 13 ஜனவரி, 2010
மீண்டும் ஒரு உழவர் தினம்
அரசு மது விற்பனை கோடி தாண்டி
தினச்செய்தி முதல் செய்தி
தரகு அமைச்சர் சிரிப்பில் கன்னக்குழி
சாலைக் குழிகளில் மூக்கற்றம்
மூழ்கி மதுவங்கியில் கூலிசேமித்து
தினக்கூலி உழவன்!
பல நூறு ஏக்கர் முதலாளிக்கு
இலவச மின்சாரம்
ஓட்டைக்கூரை நிலவொளியில்
நாளைக்கான வேலை ஓட்டத்தில்
தினக்கூலி உழவன்!
தமிழர் குருதி குடித்த தமிழ்ஈன தலை
தமிழ் மாநாட்டில் இரத்தப்பற்களில் சிரிப்பு
தமிழ்த்தாயின் குற்றுயிர் குருதியில்
தினக்கூலி உழவன்!
பண்ணை உழவு வண்டியில்
வண்ணத் தீட்டு
காய்ந்த புல்லுடன்
உழவு இழந்த மாடுகளுமாய்
தினக்கூலி உழவன்!
ஓசோனில் ஓட்டை
ஓராயிரம் கோடியில் திட்டம்
வயல் வரப்பில்
இரண்டு கால் கொக்காய்
தினக்கூலி உழவன்!
உழுதுண்டு வாழத்தான் ஆசை
பழுதுண்டு போனது வயல் - இனி
அழுதுண்டு வாழப்பழகி
தினக்கூலி உழவன்!
மீண்டும் ஒரு உழவர் தினம்
மோகம் மீட்டி இலவசத் தொல்லை
காட்டியில் நடிகை சிணுங்கலில் மூழ்கி
தினக்கூலி உழவன்!
புதுப்பானை கரும்பு மஞ்சள்
கைக்குத்தல் புத்தரிசி போய்
மின்சார அடுப்பில் வீட்டுக்குள்
பொங்குது பொங்கல்
நன்றி மறப்பினும் நன்றி மறவா
கதிரவன் தன் கடமையில்
மாற்றாந்தாய் மொழியில் வாழ்த்திய
தமிழ் மறந்த பிள்ளை மேல்
அன்புக்கனல் வீசும் சுட்டெரிப்பில்
மீண்டும் ஒரு உழவர் தினம்
இதற்கு குழுசேர்:
கருத்துகள் (Atom)